भारतीय समुद्री क्षेत्रात विचरण करणारे सागरी सस्तन प्राणी आणि आपण – भाग ७
ब्रूडीज व्हेल - सोबती आपल्या सागर किनारी प्रदेशाचा अशी कोणती व्हेल प्रजाती आहे जी महाराष्ट्राच्या सागर किनारी आणि थोडे पुढे खोल पाण्यात सगळ्यात जास्त वेळा दिसत असेल तर ती आहे 'ब्रूडीज व्हेल'. आश्चर्य आणि चमत्कार या व्हेल बद्दल काय तर ती बऱ्याच वेळा मच्छिमार बाधंवाना मासेमारी करताना दिसते. कधी किनारी तर कधी लगतच्या खोल समुद्रात , तर बऱ्याच वेळा ती सागर किनारी वाहून येते जिवंत किंवा मृत अवस्थेत. पण तरी देखील या बद्दल आपल्या वैज्ञानिक दृष्टिकोनातून हवी तेवढी माहिती आपल्या कडे अजून नाही. आज देखील ब्रुडीज (Bryde's whale) च्या दोन उप जाती आहेत कि नाही या बद्दल थोडं वैज्ञानिक मंडळी मध्ये देखील मतभेद आहेत. सध्या उपलब्ध संशोधन अहवाल आणि लेख या अनुसार आपण त्यांना त्यांच्या आकारवरून दोन उप जातीत विभागनी करू शकतो. आकाराने थोडी मोठी असलेली व्हेल आहे Bryde’s whale ( Balaenoptera edeni brydei ) आणि थोडी लहान असलेली Eden’s whale (Balaenoptera edeni edeni ). यातील एङणी व्हेल बहुधा किनाऱ्या ...
